SVEF tríó-öryggi á vefnum

SVEF tríó-öryggi á vefnum

16.05.2017 18:13

SVEF tríó - öryggi á vefnum - þann 24. maí næstkomandi.

Rýnt verður í málefni um öryggi gagna á vefnum og meðal annars fjallað um löggjöf í þeim efnum sem tekur gildi árið 2018. Einnig verður farið yfir tæknileg atriði sem skipta máli í meðferð gagna sem og hvaða gögn fólk er (ómeðvitað) að láta af hendi (t.a.m. til samfélagsmiðla) og hvernig þau gögn eru svo oftar en ekki notuð af þriðja aðila.

Þrír sérfræðingar munu flytja erindi á fundinum sem haldinn verður á Nauthóli frá kl 11:30-13:20.
Fundarstjóri SVEF tríósins verður Ólafur Sverrir Kjartansson forritari hjá ueno og stjórnaraðili SVEF.


Dagskrá fundar:

11:30 Fundur settur og hádegisverður borinn fram

11:45 Bergsteinn Karlsson - öryggissérfræðingur hjá Syndis

12:15 Vigdís Eva Líndal - Skrifstofustjóri upplýsingaöryggis hjá Persónuvernd

12:45 Hanna Ragnarsdóttir - HR /Sys/tur

13:20 Formlegri dagskrá lokið

Nálgast má miða hér: http://nvite.co/jjm47v

--------------------

SVEF tríó er fyrirlestrarröð á vegum Samtaka vefiðnaðarins sem hóf göngu sína síðastliðið haust. Fyrirlestrarröðin miðar að því að taka kjarnastarf vefmála fyrir með skipulögðum hætti þar sem fagfólk í vefiðnaðinum kemur saman og miðlar af þekkingu sinni og reynslu.

Um er að ræða hádegisviðburð þannig að kjörið er að hóa saman vini og vinnufélaga til þess að fræðast, styrkja tengslanetið og fá sér gott að borða. Þetta er viðburður sem enginn sérfræðingur í vefmálum má láta framhjá sér fara.
Athugið að formleg skráning á viðburðinn fer fram á nvite síðunni sem er linkað á hér að ofan. 

Fundurinn fer sem fyrr fram á Nauthóli og hefst kl 11:30 og verður rukkað hóflegt gjald fyrir kostnaði og veitingum. Verð fyrir þá sem standa utan Samtaka vefiðnaðarins er 9.500 kr, en félagar SVEF fá rúmlega 42% afslátt og greiða aðeins 5.500 kr. Ef þú vilt ganga í félagið geturðu einfaldlega tekið það fram við skráningu og þá færðu rukkun á árgjaldi kr. 14.900 samhliða lægra verðinu.
http://nvite.co/jjm47v

SVEF á FacebookÁhugaverð umræða í Facebook hópnum


SVEF á Twitter Greinar og annað góðgæti á Twitter


SVEF á Vimeo Upptökur frá bjórkvöldum og Iceweb