Flokkar

Flokkar Íslensku vefverðlaunanna

Nokkrar breytingar hafa verið gerðar á þeim flokkum sem veitt verða verðlaun fyrir í ár og verður fyrirkomulagið nú með þeim hætti að eingöngu er hægt að tilnefna vefsíður í einum af eftirtöldum flokkum. Nánari upplýsingar um hvern flokk er að finna hér fyrir neðan

Besti sölu- og kynningarvefurinn (yfir 50 starfsmenn)
Besti sölu- og kynningarsvefurinn (undir 50 starfsmenn)
Besti þjónustu- og upplýsingavefurinn
Besta markaðsherferðin á netinu
Besti smá- eða handtækjavefurinn
Besti afþreyingar- og/eða fréttavefurinn
Besti blog/efnistök/myndefni

Dómnefnd veitir þar að auki þrenn auka verðlaun

Frumlegasti vefurinn
Besta útlit og viðmót
Besti íslenski vefurinn

Nánari upplýsingar um hvern flokk:

Besti sölu- og kynningarvefurinn (50+ starfsmenn)

Þessi flokkur nær yfir fyrirtæki með fimmtíu starfsmenn eða fleiri sem selja eða kynna vörur og/eða þjónustu í gegnum vefinn. Hér er átt við sjálfsafgreiðsluvefi s.s. vefverslanir og bókunarvefi en einnig vefi sem kynna vörur og/eða þjónustu viðkomandi fyrirtækis. Mikilvægt er að vefurinn geri notendum kleift að nálgast þær upplýsingar og framkvæma þær aðgerðir sem til er ætlast og að notendur nái fram markmiðum sínum.

Besti sölu- og kynningarvefurinn (-50 starfsmenn)

Þessi flokkur nær yfir fyrirtæki með færri en fimmtíu starfsmenn sem selja eða kynna vörur og/eða þjónustu í gegnum vefinn. Hér er átt við sjálfsafgreiðsluvefi s.s. vefverslanir og bókunarvefi en einnig vefi sem kynna vörur og/eða þjónustu viðkomandi fyrirtækis. Mikilvægt er að vefurinn geri notendum kleift að nálgast þær upplýsingar og framkvæma þær aðgerðir sem til er ætlast og að notendur nái fram markmiðum sínum.

Besti þjónustu- og upplýsingavefurinn

Flokkurinn besti þjónustu- og upplýsingavefurinn nær til vefsvæða sem hefur það aðalmarkmið að veita frían aðgang að upplýsingum og þjónusta almenning. Undir þennan flokk falla t.d. vefsvæði opinbera stofnana, sveitarfélaga og skóla, sem og vefsvæði félagasamtaka, verkalýðsfélaga og annarra sambærilegra aðila.

Besta markaðsherferðin á netinu

Hér er ætlunin að veita verðlaun fyrir bestu markaðsherferðina á netinu frá árinu 2009. Um getur verið að ræða stærri eða minna verkefni allt frá vel útfærðum auglýsingaborðum upp í heildstæðari herferðir sem fóru fyrst og fremst fram á vefnum. Litið verður til hugmyndar, hönnunar, útfærslu og sérstöðu.

Besti smá- eða handtækjavefurinn

Besti smá- eða handtækjavefurinn nær til veflausna sem sérhannaðar hafa verið fyrir smátæki svo sem farsíma og handtölvur. Hér verður sérstaklega horft til notagildis lausnarinnar óháð tilgangi og því falla bæði söluvefir, upplýsingaveitur og afþreyingarlausnir undir þennan flokk.

Besti afþreyingar- og/eða fréttavefurinn

Besti afþreyingarvefurinn nær til fjölmiðla, vefsamfélaga, leikjavefja og allra þeirra sem veita afþreyingarefni í gegnum vef. Hér er leitað eftir vef með afþreyingargildi, er skemmtilegur eða fróðlegur.

Besti blog/efnistök/myndefni

Hér er leitað eftir metnaðarfullum vefjum þar sem áhersla er lög á gæði efnis og framsetningu þess. Horft er til þátta eins og efnistaka, samspils texta og mynda, hönnunar og viðmóts og viðfangsefnis.

Frumlegasti vefurinn

Dómnefnd velur þann vef sem þykir frumlegastur. Hér er horft til þátta eins og best útfærðu nýjungarinnar eða óhefðbundinnar nálgunar við viðfangsefnið. Leitað er að vef sem hefur skarað fram úr á einhverju sviði.

Besta útlit og viðmót

Dómnefnd velur þann vef sem þykir skara fram úr í samþættingu á góðu notendaviðmóti og góðri hönnun sem svo spilar vel með starfsemi fyrirtækisins eða vefjarsins sem um ræðir. Mikilvægt er að viðmót sé skýrt og notendavænt og að vefir séu hannaðir fyrir sína markhópa.