1. gr.
Félagið heitir Samtök vefiðnaðarins, SVEF

2. gr.
Heimili félagsins og varnarþing er í Reykjavík

3. gr.
Tilgangur félagsins er að sameina alla sem vinna að vefmálum í víðum skilningi á Íslandi, hvetja þá til að miðla af þekkingu sinni og vera andlit stéttarinnar út á við.

4. gr.
Tilgangi sínum hyggst félagið ná með því að halda reglulega fundi þar sem meðlimir geta hist og rætt saman, og fá á þá fundi gestafyrirlesara, innlenda sem erlenda. Félagið skal halda úti öflugum umræðuvef þar sem félagar geta rætt iðnaðinn.
Einnig skal félagið standa árlega að Íslensku vefverðlaununum, þar sem bestu verk í iðnaðinum verða verðlaunuð.

5. gr.
Stofnfélagar eru...

6. gr.
Rétt til inngöngu í félagið hafa allir þeir sem starfa við eða hafa áhuga á vefsmíði, -viðhaldi, -forritun, -markaðssetningu og -hönnun.

7. gr.
Stjórn félagsins skal skipuð félagsmönnum þ.e. formanni og meðstjórnendum. Stjórnarmenn skulu kosnir til eins árs í senn, en formaður skal kosinn á hverjum aðalfundi.
Formaður boðar stjórnarmenn á stjórnarfundi þegar þurfa þykir. Stjórn annast daglega umsjón félagsins og skiptir með sér verkum. Firmaritun félagsins er í höndum stjórnar.

Skipa skal skoðunarmann reikninga og varamann hans á aðalfundi félagsins. Skoðunarmenn skulu vera utan stjórnar.

8. gr.
Starfstímabil félagsins er almanaksárið. Á aðalfundi félagsins skal stjórn gera upp árangur liðins árs. Aðeins félagsmenn mega vera þátttakendur á aðalfundi.

9. gr.
Árgjald félagsins er ákvarðað á aðalfundi að tillögu stjórnar, það skal vera hóflegt og innheimt árlega.

10. gr.
Rekstarafgangi félagsins skal varið til að efla starfsemi félagsins.

11. gr.
Ákvörðun um slit félagsins verður tekin á aðalfundi með einföldum meirihluta og renna eignir þess til góðgerðarmála.

*Samþykkt á aðalfundi SVEF, 9. október 2008