fbpx
Skráning í SVEF
Skráning í SVEF

Íslensku Vefverðlaunin - vinningshafar

Íslensku vefverðlaunin fyrir árið 2022 voru haldin í Gamla Bíó föstudagskvöldið 31. mars 2023. Skoðaðu lista yfir vinningshafana hér.

Verðlaunahafar

„Vefverðlaunin eru uppskeruhátíð vefiðnaðarins, haldin með það að markmiði að efla hann, verðlauna bestu vefina og hvetja þá sem starfa á þessum vettvangi til dáða.“

Um viðburðinn

Föstudaginn 31. mars mun vef- og tækniiðnaðurinn á Íslandi fagna vel unnum störfum á síðasta ári og verðlaunar þau verkefni sem þykja hafa skarað fram úr. Að því loknu sleppum við fram af okkur beislinu, tölum bransa, förum á trúnó og dönsum við taktfasta tóna DJ Berndsen fram eftir kvöldi.
Kynnar kvöldsins verða engir aðrir en þau Eygló Hilmarsdóttir og Vilhelm Þór Neto (Villi Neto). Þessir frábæru grínhöfundar og leikarar eru orðin þjóðþekkt og lofum við gleði og góðum fíling á hátíðinni sjálfri.

Gleðin hefst kl 19:00 með freyðivíni og gómsætum smáréttum. Dagskrá hefst kl 20 og mun standa til 22. Eftir afhendingu verðlauna hefst partý-ið þar sem DJ Berndsen spilar fram eftir kvöldi og skemmtir fólki með góðum tónum sem fær það til að vilja dilla mjöðmunum.
Athugið að takmarkaður fjöldi miða er í boði og því hvetjum við alla til að skrá sig sem fyrst.

Kostnaður
Það er frítt inn á Íslensku vefverðlaunin fyrir meðlimi SVEF en þeir þurfa samt sem áður að fara í gegnum kaupferlið á Tix til að fá miða. Ef miði er keyptur á “meðlimaverði” og viðkomandi er ekki meðlimur SVEF verður viðkomandi skráður í félagið og rukkaður um árgjald (17.900 kr.).
Almennt miðaverð er 11.900 kr. og verð fyrir námsmenn er 7.900 kr.

Hópar
Hægt verður að bóka hringborð fyrir stærri hópa. Í boði eru tvenns konar borð.

10 manna flöskuborð er á 60.000 kr.

Innifalið í verði eru tvær rauðvínsflöskur, ein hvítvínsflaska og 10 bjórar
7 manna flöskuborð er á 40.000 kr.

Innifalið í verði er ein rauðvínsflaska, ein hvítvínsflaska og sjö bjórar
Til að panta borð fyrir hópa skal senda póst á [email protected] með subjectinu #borðapöntun. Nauðsynlegt er taka fram: Fyrirtæki / kt., fjöldi borða og símanúmer tengiliðs. Athugið að fjöldi borða er takmarkaður og því gildir reglan “fyrstur kemur fyrstur fær”.

Flokkar
Íslensku vefverðlaunin fyrir árið 2022 verða veitt í 13 flokkum en fjöldi flokkanna endurspeglar breidd þeirra verkefna sem vef- og tækniiðnaðurinn á Íslandi kemur að.
Veitt eru verðlaun fyrir eftirfarandi flokka:

App ársins
Efnis- og fréttaveita ársins
Fyrirtækjavefur ársins (lítil fyrirtæki)
Fyrirtækjavefur ársins (meðalstór fyrirtæki)
Fyrirtækjavefur ársins (stór fyrirtæki)
Gæluverkefni ársins
Opinberi vefur ársins
Samfélagsvefur ársins
Markaðsvefur ársins
Söluvefur ársins
Stafræn lausn ársins
Tæknilausn ársins
Vefkerfi ársins
Dómnefnd veitir þar að auki verðlaun fyrir verkefni ársins, hönnun og viðmót ársins og viðurkenningu fyrir gott aðgengi á vef. Þau verðlaun eru veitt verkefnum sem dómnefnd telur hafa skarað fram úr öðrum verkefnum.

Verðlaunavefir síðustu ára

Skoða vef
Vefur ársins

Vefur Neyðarlínunnar 112.is

Vefur ársins er frábærlega útfærð lausn með framúrskarandi upplifun fyrir notandann. Verkefnið er til fyrirmyndar í alla staði þar sem framsetningu efnisins er skilað á einstaklega vandaðan hátt. Myndefnið kallar á viðfangsefnið og fær að flæða.
Skoða vef
Hönnun og viðmót

Kodo

Falleg og leikandi hönnun vefsins vekur bæði áhuga og gleði. Textinn er vel skrifaður, bæði á íslensku og ensku, og tónninn skemmtilegur. Efnið fær að anda og hreyfingar eru þægilega stilltar. Mjög vel heppnuð hönnun og útfærsla.
Skoða vef
Fyrirtækjavefur ársins (lítil fyrirtæki)

Kodo

Lifandi vefur þar sem einföld og stílhrein hönnun er í fyrirrúmi en þó mikill leikur og skemmtileg hreyfihönnun. Rödd og tónn vefsins er léttur og vekur áhuga. Kynning á fyrirtækinu er hnitmiðuð og vefurinn er léttur í keyrslu.
Skoða vef
Fyrirtækjavefur ársins (meðalstór fyrirtæki)

Ný vefsíða meniga.is

Hönnun vefsins er falleg og vingjarnleg. Skemmtilegar teikningar lífga upp á vefinn á smekklegan hátt. Efnið er aðgengilegt og tónn texta vel úthugsaður. Flottur vefur sem er hraður og þægilegt að nota.
Skoða vef
Fyrirtækjavefur ársins (stór fyrirtæki)

Bluelagoon.com

Glæsilegur vefur með aðlaðandi myndum, litum og týpógrafíu. Mikið hefur verið lagt í myndefni og góða notendaupplifun. Vefurinn stendur sig frábærlega í aðgengismálum og öll virkni er til sóma.
Skoða vef
Markaðsvefur ársins

Borgarleikhúsið

Efni vefsins er lifandi og ánægjulegt er að vafra um hann. Hönnunin er litrík með skemmtilega sérkennilegum smáatriðum og áhugaverðri hreyfihönnun. Framsetning er til fyrirmyndar og mjög í takt við innihaldið.
Skoða vef
Efnis- og fréttaveita

Vefur BSRB um styttingu vinnuvikunnar

Kraftmikill efnis- og fréttavefur sem gefur sterkan tón til notandans. Vefurinn er áhrifamikill og dálítið óhefðbundinn, en nær algjörlega að koma skilaboðunum á framfæri. Notandinn á auðvelt með að rata um vefinn enda er framsetning efnisins skýr.
Skoða vef
Söluvefur ársins

Vefsala TM – Vádís

Söluvefur ársins er með ótrúlega einfalt og þægilegt ferli sem býður alla möguleika á skýran hátt. Vefurinn er það stílhreinn og einfaldur að kaup kalla á mann. Frábærlega vel útfærð lausn á annars flóknu ferli.
Skoða vef
Stafræn lausn ársins

112.is – Nýtt tól í baráttunni við ofbeldi

Stafræna lausn ársins er sannarlega þörf og útfærslan er mjög vel heppnuð. Útlit er snyrtilegt og einfalt, skilaboðin skýr og efnið faglega unnið. Mikil vinna hefur verið lögð í að lausnin mæti þörfum ólíkra hópa og að hún sé auðveld í notkun.
Skoða vef
Tæknilausn ársins

Lífeyrismál í Arion Appinu

Tæknilausn ársins er virkilega vel leyst útfærsla á annars flóknu og yfirgripsmiklum upplýsingum. Lausninni tekst að draga vel saman á notendavænan og fallegan hátt flóknar upplýsingar af mörgum stöðum Tæknilausnin ráðleggur notanda og dregur fram kjarna.
Skoða vef
Opinber vefur ársins

Ísland.is

Þegar þjónusta þarf fjölbreyttan hóp er mikilvægt að skýr framsetning og aðgengi séu höfð að leiðarljósi, en þessi vefur þótti að mati dómnefndar skara sérstaklega fram úr. Mikill metnaður hefur verið lagður í upplifun notenda með einföldu viðmóti.
Skoða vef
Vefkerfi ársins

Stafræn réttarvörslugátt

Vefkerfi ársins er einfalt í notkun og notendavænt, en með tilkomu þess verður ferlið hraðara og öruggara í vinnslu. Kerfið styður vel við notendur, skýrleiki er í fyrirrúmi og gerir flókna umsýslu rekjanlega og sýnilega. Mjög vel útfærð lausn.
Skoða vef
App ársins

Domino´s appið

App ársins leysir flókið vandamál á skilvirkan hátt með góðri notendaupplifun. Öllum upplýsingum er komið til skila með mjög skýrum hætti og vel er hugað að aðgengismálum. Aukavirkni sem var bætt við til að bæta upplifun viðskiptavina á tímum COVID,
Skoða vef
Samfélagsvefur ársins

Vefur Umboðsmanns barna

Efnismikill vefur með góða og skýra flokka uppbyggingu þar sem misjafnir markhópar eiga auðvelt með að rata á réttan stað. Hönnunin er smekkleg, sem skilar sér í stílhreinum vef en um leið vef sem er notendavænn og aðgengilegur.
Skoða vef
Gæluverkefni ársins

Veldu Rafbíl

Aðgengileg og einstaklega stílhrein framsetning sem einfaldar samanburð á nýrri og notaðri vöru sem hefur notið aukinna vinsælda undanfarin ár. Sífelldar breytingar á markaðinum skapa flóknari þarfir og þá kemur einstaklingsframtak eins og þetta sér vel
Skoða vef
Viðurkenning: Aðgengismál

Ísland.is

Þessi vefur er liður í stóru og metnaðarfullu verkefni þar sem gott aðgengi allra að upplýsingum skiptir máli. Mikið magn upplýsinga úr öllum áttum eru settar fram á skiljanlegan, skipulagðan og snyrtilegan hátt. Þessu verkefni er hvergi nær lokið og v...

Styrktaraðilar SVEF

SVEF á sér góða styrktaraðila en þar sem félagsamtökin starfa án hagnaðarmarkmiðs getum við alltaf þegið styrk til að efla enn frekar störf félagsins. Viltu bætast í hópinn? Hafðu endilega samband!

Þessi síða geymir vefkökur til að gera upplifun þína af vefnum betri. Þú veitir þitt samþykki með því að halda áfram að nota vefinn.
Vefstefna SVEF